ఇంత గొప్ప ధన్యత – నా కిచ్చితివా దేవా
ఎన్నతరమే కాదయ్యా – నీ ఉన్నతమౌ ప్రేమ
స్తుతి ఆరాధన నీకే – నిరతము చెల్లింతును
మహిమ ప్రభావము నీకే – యుగయుగములు కల్గునామెన్
నా యేసయ్యా నా ఆరాధ్యుడా – నీ నామమే నే స్మరియించెద
నా యేసయ్యా నా స్తుతిపాత్రుడా – నీ నామమే నే ఘనపరిచెద
పనికిరాని పాత్రనైన – అమితముగా ప్రేమించితివే
దరికి జేర్చి ధైర్యమిచ్చి – కరుణతో రక్షించితివే
నీ కృపయే నా జీవము కంటే ఉత్తమమని ఎరిగి – స్తుతించెదను
నీవే .. నీవే .. నా ప్రాణదాతవయ్యా
మధురమైన నీ స్వరముచే – నన్ను ఆదరించితివే
నిత్యజీవం అనుభవింప – పేరు పెట్టి పిలిచితివే
తేజోమహిమగల – సంఘముగా మార్చిన – ఘనుడా నా ప్రియ వరుడా
నా శేష జీవితం – నీ సేవకే అంకితం
