Alleluyaa Thuthi Alleluyaa – அல்லேலூயா துதி அல்லேலுயா ஜெயம்

பல்லவி

அல்லேலூயா துதி, அல்லேலுயா ஜெயம்,
வல்லத் திரியேகமகத்வ தேவற்கென்றும்.

அனுபல்லவி

சொல்லரும் சுத்த சுவிசேடந்தந்தவர்
தூயன் சகாயனுபாயானாம் நேயற்கு. – அல்லே

சரணங்கள்

1. வானம் புவியும்படைத்த பிதாவுக்கும்
மைந்தரை மீட்ட சுதனென்ற தேவற்கும்
ஞானவிசேடம் வெளியிட்ட ஆவிக்கும்
நம்மாலிந்நாளு மெந்நாளும் நற்றோத்திரம் – அல்லே

2. வேதோபதேச அப்போஸ்தலன்மார்களை
மேதினியெங்கும் அனுப்பித்திருமறை
தீதறப்போதகஞ் செய்யவழி செய்த
சிங்காரக்கர்த்தர்க்கு மங்காமகத்வர்க்கு. – அல்லே

3. வாதைகள் மெத்த வதைத்துந் திருச்சபை
வாடாது மிக்க செழிப்பாய் வளர்ந்திட,
ஏதுங்குறைவறவே செய்த தேவனை
ஏற்றித்துதிசெய்வம், போற்றிப் புகழ்செய்வம் – அல்லே

4. ஆகாதபேயின் அகோரத்தினாற் சபை
யானதுள்வந்து புகுந்த பிழைகளை
வாகாக நீக்கவழி செய்த கர்த்தனை
வந்தனை செய்வோம் நாம் சிந்தனையாகவே – அல்லே

5. வானாதி சேனைமகிழ்ந் திசைகள்பாட
மக்கட்குழாமும் களிப்புடனேசேர
ஈனப்பிசாசின் இடர்களெல்லாந்தீர,
ஏகன்தயைசெய்தார், வாகாய் அருள்பெய்தார். – அல்லே

• சின்னஞ்சிறு தீபம் – Chinnajsiru Deepam
• இவ்வுயர் மலைமீதினில் – Evvuyar Malai Meethinil
• நித்தம் நித்தம் பரிசுத்தர் – Niththam Niththam Parisuththar
• கர்த்தர் தம் ஆசி காவல் – The Lord bless Thee
• மங்களம் ஜெயமங்களம் – Mangalam Jeyamangalam