Jeba Shop Now: Bible, songs & etc
ఒక దినమైన గడచునా – Oka Dhinamaina Gadachunaa lyrics
పల్లవి: ఒక దినమైన గడచునా నీవులేని నా జీవితాన
ఒక క్షణమైనా ఊహించగలనా నీ కృప లేని నా బ్రతుకును //2//
నా ప్రాణమా నా జీవమా యేసయ్యా నీవే నా నా ఆధారము //2//
- అలసిన హృదయముతో చేరాను నీ సన్నిధి
సమస్యలతో సతమతమై కోరాను నీ స్నేహము //2//
ఏకాంత స్థలములో నీ పాదాలను చేరగా
సమస్యలే సంగీతమై ఎద పాడెను స్తుతిగీతము //2//
//నా ప్రాణమా//
2.విరిగిన నా హృదిని నీకే అర్పించెదను
కలిగినది ఏదైనా నీవు ఇచ్చినవని స్తుతించెదను //2//
కలిమిలేమి యందు నీ కృపను కాచుకొనగా
నీ కృపయే సోపానమై బహు ఖ్యాతిని కలిగించెను //2//
//నా ప్రాణమా//
3.నలిగిన నా హృదయం నీ మందిరముగా మలచితివి
కరుగుచున్న నా జీవితాన్ని ప్రకాశింపజేసితివి //2//
నన్ను బలపరిచే నీ కృప ఉంటే చాలని
నా పూర్ణ హృదయంతో ఆత్మారాధన చేసేదెను //2//
//నా ప్రాణమా//
