Ningi nelaney sesinodu – నింగి నేలనే సేసినోడు నీ కడుపున కొడుకై పుట్టినాడు

Deal Score+1

207

Deal Score+1

Lyrics in telugu
నింగి నేలనే సేసినోడు నీ కడుపున కొడుకై పుట్టినాడు
ఆకాశాలు పట్టజాలనోడు నీ గర్భాన్న సర్దుకొన్నాడు
ఎంత ధన్యమో ఎంత ధన్యమో
అందరి అక్కర తీర్సెటోడు యోసేపు నీ సాయం కోరినాడు
మాటతోనే సృష్టి సేసినాడు నీ సేతి కింద పని సేసినాడు

ఎంత భాగ్యమో ఎంత భాగ్యమో
ఎంత భాగ్యమో మరియమ్మ
ఎంత భాగ్యమో మరియమ్మ
ఎంత భాగ్యమయ్య యోసేపు
ఎంత భాగ్యమో యోసేపు

లెక్కలకందని శ్రీమంతుడు గుక్కెడు నీళ్ళకై సోలినాడు
కోటిసూర్యులను మించినోడు మండుటెండలోన ఎండినాడు
ఎంత భారమో ఎంత భారమో

మాయదారి శాపలోకాన మచ్చలేని బతుకు బతికినాడు
శావంటూ లేని ఆద్యంతుడు శావనీకే తల ఒగ్గినాడు

ఎంత కష్టమో ఎంత కష్టమో
కష్టమైన గాని నా కోసం ఇష్టపడి మరి సేసాడే
సచ్చిపోయే నన్ను బతికింప చావునే చిత్తు చేసాడే
దేవదేవుని స్వారూప్యమే మట్టిరూపమే ఎత్తినాడే
సేవలందుకొను సౌభాగ్యుడే సేవ సేయనీకి వచ్చినాడే

ఎంత సిత్రమో ఎంత సిత్రమో
పాపము అంటని పరిశుద్ధుడు పాపుల కోసమై వచ్చినాడు
పాపినైన నిన్ను నన్ను కడిగి ప్రాయశ్చితమే చేసినాడు
ఎంత భాగ్యమో ఎంత భాగ్యమో

ఎంత భాగ్యమో ఓరన్న ఒదులుకోకురా ఏమైనా ఇంత రక్షణ భాగ్యాన్ని ఇచ్చేదెవరు ఈ లోకాన
నిన్ను పిలిచే దేవుణ్ని దాటిపోకు ఏమాత్రాన
క్రీస్తు యేసుని ఒప్పుకొని చేర్చుకో నీ హ్రుదయాన